Ang adobong manok ay gawa sa mga kabuuang sangkap na: toyo, suka, bawang, paminta, dahon ng laurel, at syempre manok. Ito ay isa sa mga pinaka-kilala at paboritong pagkain ng mga Filipino. Sino nga ba naman ang hindi kakain ng adobo? Dahil sa masarap at kakaiba nitong lasa, madami talaga ang may paborito sa pagkain na ito. At isa na AKO doon!
Ang adobo ay madaming pang-kalusugang benepisyo galing sa iba’t iba nitong sangkap. Dahil suka ay isa sa mga pangunahing sangkap ng adobo, ito ay nakakatulong para mas madaling matunawan at hindi lang iyon, ang suka ay “anti-inflammatory” rin. Isa pang sahog na ginagamit sa adobo ay bawang, na nakakatulong pumigil sa blood clots. Maraming pakinabang sa mga binibigay na protina ng mga manok. Depende kung anu-ano ang mga sangkap sa iyong adobo, ay ang walang hanggang pang-kalusugang benepisyo.
Madaming klase ang adobo, mayroong masabaw, wala masyadong sabaw, may ibang mga putahe na dinagdag o medyo matamis. Ang aking paborito ay ang adobo na luto ng aking mommy. Ang adobo ng mommy ko ay medyo manamis-namis at madaming sabaw. Sinasabi nya sa akin na ito daw ay “Chinese style”. Hindi ko alam kung anong style nga ba ito, pero ang alam ko lang ito ay tunay na MASARAP!
--Marrick Magana--
